रायगड शेतकरी योद्धा कुकुटपालन सहकारी संस्थेचा चतुर्थ वर्धापन दिन उत्साहात

 प्रतिनिधी – किरण बांधणकर ( पेण ) रायगड शेतकरी योद्धा कुकुटपालन सहकारी संस्थेच्या चतुर्थ वर्धापन दिन सोहळा मोठ्या उत्सहात संपन्न झाला. यावेळी महाराष्ट्र शेतकरी योद्धा कुकुटपालन सहकारी संस्था अध्यक्ष अनिल खामकर,कार्यक्रमाचे अध्यक्ष शांताराम साळुंखे,विलास साळवी,पेण तालुकाध्यक्ष स्वप्निल म्हात्रे तसेच महाराष्ट्रातील वेगवेगळ्या जिल्ह्यातून आलेले अध्यक्ष,उपाध्यक्ष,सदस्य यांच्या उपस्थितीत दिप प्रज्वलित करून सोहळ्याला सुरूवात करण्यात आली.

याप्रसंगी कुकुटपालन शेतकऱ्यांना भेडसावणाऱ्या अडीअडचणी सोडवण्यासाठी गेले ४ वर्षापासून संघटनेची स्थापना करण्यात आली आहे तसेच पोल्ट्री धारकांना कंपनी कडून वजन काट्यातून फसवण्यात येत होते. सरकारी नोंद करण्यात येत नव्हती. केंद्र व राज्य सरकारकडे पाठपुराव्याने अडी अडचणीवर मात करण्यात यश आले आहे  पेण तालुका अध्यक्ष स्वप्निल म्हात्रे यांनी प्रास्ताविक करताना अध्यक्ष अनिल खामकर हे संघटनेतील अडीअडचणी सोडवण्याचे चांगल्या प्रकारे काम करत आहेत त्यांना संघटनेतील प्रत्येक प्रतिनिधी शेतकऱ्यांनी वेळात वेळ काढून सहकार्य करण्याचे आवाहन उपस्थितांना केले.

या प्रसंगी महाराष्ट्र पोल्ट्री योद्धा अध्यक्ष अनिल खामकर, पोलादपूर जिल्हा संचालक शांताराम साळुंखे, महा. पो. यो. सहसंघटक बाळासाहेब देशमुख, उत्तर महाराष्ट्र कार्याध्यक्ष सर्जेराव भोसले, सहसचिव राजाराम गजरे, नाशिक जिल्हा संचालक ज्ञानेश्वर माकुणे, पश्चिम महाराष्ट्र उपाध्यक्ष नंदकुमार चौधरी, पश्चिम महाराष्ट्र कार्याध्यक्ष शरद गोडांबे,  मुंबई विभाग उपाध्यक्ष किशोर पाटील, महाड जिल्हा संचालक चंद्रकांत मालुसरे, महा.पो. यो. सचिव विलास साळवी, कोकण विभाग उपाध्यक्ष दीपक पाटील, खजिनदार मनोज दासगावकर, श्रीवर्धन जिल्हा संचालक अविनाश कोळंबेकर, खालापूर जिल्हा संचालक चंद्रहास बांदल, पेण तालुका अध्यक्ष स्वप्निल म्हात्रे, उपाध्यक्ष संतोष वाटाणे, खजिनदार विनोद बामगुडे यांच्याबरोबर महाराष्ट्र पोल्ट्री योद्धा व रायगड शेतकरी योद्धा यांचे प्रतिनिधी उपस्थित होते.