रा.जि .प. शाळा चांदोरे येथे अतिशय उत्साहात दहीहंडी उत्सव संपन्न.

चांदोरे : माणगाव तालुक्यातील रा.जि.प.शाळा चांदोरे येथे अतिशय उत्साहात दहीहंडी उत्सव साजरा करण्यात आला अनेक सण उत्सवांनी नटलेली आपली ही भारतीय संस्कृती! त्यात श्रावण महिना म्हणजेच सणांची आरासच! विविध रंगांनी नटलेल्या निसर्गाबरोबरच, विविध रंगी सण साजरे करून आपण आनंद लुटत असतो. असाच बाळगोपाळांसाठी आनंदाची पर्वणी घेवून येणारा सण म्हणजेच कृष्ण जन्माष्टमी व गोपाळकाला सण होय.

     असाच हा दहिहंडीचा सण रा.जि. प.शाळा चांदोरे शाळेतील बाळगोपाळांनी आनंदात साजरा केला. याप्रसंगी शाळेचे मुख्याध्यापक राजु पवार सर यांनी कृष्ण जन्माष्टमी व गोपाळ काला यामागील अख्यायिका मुलांना सांगितली. विद्यार्थ्यांनी श्रीकृष्णाचा पाळणा, गौळणी,भजन यांचे गायन केले. फेर धरून नाच करत “गोविंदा आला रे आला” या गाण्याच्या तालावर नाच करत दहीहंडी उत्सवाचा आनंद लुटला.

         यावेळी मुलांनी राधा कृष्ण,गोप-गोपिका, यशोदा…अशा प्रकारच्या वेशभुषेतील बालगोपाळांमुळे कार्यक्रमाला आणखी शोभा आली होती. हा कार्यक्रम यशस्वीरित्या पार पाडण्यासाठी साई केंद्राचे केंद्रप्रमुख तथा शाळेचे मुख्याध्यापक राजु पवार सर, उपशिक्षिका संगीता सुरशेट्टे हर्षदा, बोऱ्हाडे मॅडम तसेच सिकंदर लांडे सर यांनी मेहनत घेतली होती.