”आईडे केअर” संस्थेच्या बौद्धिक अक्षम (दिव्यांग) मुलांच्या दहीहंडीचे आयोजन रामेश्वर कन्स्ट्रक्शन चे राजू पिचिका यांनी करून एक अनोखा उपक्रम राबविला.

पेण – आज संपुर्ण देशभरामध्ये दहीहंडीचा उत्सव मोठ्या आनंदात साजरा केला जात आहे. पण बौद्धिक अक्षम (दिव्यांग) मुलांना हा आनंद घेता येत नव्हता. मात्र पेणमधील “आई डे केअर” संस्थेच्या बौद्धिक अक्षम (दिव्यांग) मुलांच्या दहीहंडीचे आयोजन रामेश्वर कन्स्ट्रक्शन चे राजू पिचिका यांनी करून एक अनोखा उपक्रम राबविला.

               या दहीहंडी उत्सवामध्ये 54 दिव्यांग मुलांनी सहभाग घेत हंडी फोडण्याचा आनंद लुटला. ही विशेष मुलं पाण्याच्या फवाऱ्यात व आनंदात चिंब भिजली होती. यावेळी निरागस मुलांच्या चेहऱ्यावरील आनंद पाहण्यासारखा होता. या विशेष मुलांना वेगवेगळ्या कार्यक्रमातून उभारी देण्याचे काम ‘आई डे केअर’ संस्था करत असून गेल्या 13 वर्षांपासून रामेश्वर कन्ट्रक्शनचे सर्वेसर्वा राजू पिचिका यांनी आमच्या मुलांना दहीहंडी फोडण्याचा मान दिल्याने खूप आनंद आणि अभिमान वाटत असल्याचे स्वाती मोहिते यांनी व्यक्त केले.

            या अनोख्या कार्यक्रमानंतर सर्व दिव्यांग मुलांना पेण उपविभागीय पोलीस अधिकारी शिवाजी फडतरे, उद्योजक राजू पिचिका, सुषमा पाटील , धर्मेश पोटे आदी मान्यवरांच्या हस्ते भेटवस्तू देण्यात आली.