उद्या कार्यसम्राट मा. आमदार भरतशेठ गोगावले हजारो कार्यकर्त्यांच्या उपस्थितीत भरणार उमेदवारी अर्ज.

गोरेगांव – विधानसभा निवडणुकीचे  बिगुल वाजल्यानंतर महायुती आणि महाविकास आघाडीकडून  उमेदवार  निश्चित झाले आहेत. त्यामुळे विधानसभा निवडणुकीचे अर्ज भरण्यास सर्वत्र सुरुवात झाली आहे. उमेदवारी अर्ज दाखल करण्यासाठी आज आणि उद्या अखेरचे दोन दिवस आहेत. महाड विधानसभा मतदार संघात देखील उमेदवारी अर्ज दाखल करण्यात सुरुवात झाली असून शिवसेना शिंदे गटाचे पक्ष प्रतोद तथा महाड विद्यमान आमदार कार्यसम्राट भरतशेठ गोगावले हे  महाड येथे उमेदवारी अर्ज दाखल करणार आहेत.

आज आणि उद्या विधानसभा निवडणुक उमेदवारी अर्ज भरण्याचा शेवटचा दिवस आहे.   त्यामुळे महायुती आणि महाविकास आघाडीचे उमेदवार जोरदार शक्तीप्रदर्शन करत आपआपला उमेदवारी अर्ज दाखल करत आहेत. या पार्श्वमुमीवर उद्या महायुती कडून   महाराष्ट्र राज्य मार्ग परिवहन महामंडळाचे अध्यक्ष तथा गौरगरिबांचे कैवारी, पक्षप्रतोद  कार्यसम्राट विद्यमान आमदार मा.  भरत शेठ गोगावले हे हजारो कार्यकर्त्यांच्या उपस्थितीत तसेच असंख्य लाडक्या बहिणींच्या साक्षीने आणि पाठींब्याने जोरदार शक्ती प्रदर्शन करीत आपल्या विधानसभा उमेदवारीचा अर्ज दाखल करणार आहेत.

महाड विधानसभा मतदार संघात पोलादपुर, सोबतच माणगांव आणि महाड या तीन तालुक्यांचा समावेश होतो आणि कार्यसम्राट मा. आमदार भरतशेठ गोगावले यांनी या तीनही तालुक्यात अनेक कामे केली असून प्रत्येक गावागावात त्यांचा दांडगा जनसंपर्क सोबतच घरोबा आहे. एखाद्या आमदाराचा गावागांवात घरोबा असणे, आपुलकी असणे तुरळकच असते पण भरतशेठ याला अपवाद आहेत.  त्यामुळे या तीनही तालुक्यातुन हिंदुच नाही तर मुस्लिम जनसमुदायही भरत शेठ गोगावले यांना पाठींबा देण्यासाठी हजारोंच्या संख्येने उपस्थित राहणार आहेत.