‘सन्मित्र सेवा संस्था’ यांनी आदिवासी दिनाचे औचित्य साधून केले शालेय शैक्षणिक साहित्यांचे वाटप.

श्रीवर्धन : रायगड जिल्ह्यातील श्रीवर्धन तालुक्यातील बोर्ली-पंचतन गावच्या सन्मित्र सेवा संस्थेच्या वतीने श्रीवर्धन तालुक्या मधील रा. जि. प. प्राथमिक शाळा कुडगाव व रा. जि.प. प्राथमिक शाळा हरवित येथील गरजू आदिवासी विद्यार्थ्यांना जागतीक आदिवासी दिनाचे औचित्य साधून शालेय शैक्षणिक साहित्याचे वाटप करण्यात आले.

आदिवासी विद्यार्थ्यांना गुणवत्तापूर्ण शिक्षण घेता यावे यासाठी बोर्ली पंचतन गावच्या ‘सन्मित्र सेवा संस्था’ यांच्या वतीने गेली अनेक वर्षे सामाजिक बांधिलकी जपत अनेक शाळेतील गरजू तसेच आदिवासी विद्यार्थ्यांना शैक्षणिक साहित्य वाटप केले जात असते. सदरच्या उपक्रमासाठी सुजित खानलोसकर, मितेश जैन, प्रलय डोंगरीकर, समीर दिवेकर, गणेश वेळासकर, विराज तोडणकर आणि अंकुर माने आदी मान्यवरांचे सहकार्य लाभले.

विद्यार्थ्यांच्या सर्वांगीण विकासासाठी आमची संस्था सदैव कार्यरत असेल असे प्रतिपादन नितीन सुर्वे यांनी संस्थेच्या वतीने केले.या कार्यक्रमास समीर सुर्वे, मुख्याध्यापक बिरवाडकर सर, खोपटकर सर, गावीत सर, नरुकर सर, शाळा व्यवस्थापन समितीचे सदस्य उपस्थित होते. शाळेच्या वतीने शिक्षक जनार्दन जाधव यांनी संस्थेचे तसेच उपस्थित मान्यवरांचे आभार व्यक्त केले.